最近熱爆話題可能是50蚊燒鵝飯，本文就以大家樂截至上年９月底的６個月數據，了解一哥有否謀取暴利。大家樂營業額29億，香港23億約佔８成，香港分類業績佔集團的82％，與營業額比重差不多，香港盈利能力與集團相同。毛利3.4億，毛利率11.8％，稅後淨利1.9億，淨利率6.6％，假設燒鵝飯利潤率與其他產品相同，一個燒鵝飯餐（送飲品）毛利＄5.9元，淨利＄3.3，又好似微利喎！咁點解名店鏞記可以外賣38元？
筆者估原因如下：
（一） 原材料佔9.6億，即是三分一營業額；人工7.5億、租金3.3億，廠房及設備折舊約1.2億，分別佔營業額26％，11％及4％，比較鏞記外賣，唔需佔用店面地方就等如大家樂慳咗＄50Ｘ11％＝5個半。
（二） 據友報報導，大家樂餐鵝肉最多，約有200克，鏞記只得150克，假設50蚊餐中食物成本7成是鵝肉，鵝肉成本＝50／3Ｘ0.7＝約＄12，鏞記比大家樂少＄9鵝肉。
（三） 綜合兩點，如果撇除租金成本，鵝肉分量等同鏞記，大家樂外賣可以省去＄8.5，即仍需＄41.5，比鏞記貴＄3.5，但多一杯飲品。
（四） 筆者主觀認為燒鵝飯餐利潤應比其他食品高，集團整體數據可能不適用。
回看集團，雖然利潤不算暴利，年度化ＲＯＥ僅13.7％，但不要忘記此半年乃最低工資開始實施，但食品單價卻未能同步提升的時刻，所以會低估盈利能力。但就以往績市盈率23倍計，假設來年盈利能力回復良好，13年市盈率亦可能接近20倍，加上最近有董事持續減持，現價不算吸引。
成報吳系講股
2012年4月23日
沒有留言:
張貼留言